Family &
Friends

Du robbsch nöd nume mega schnell durs Züg sondern ziehsch dich au a allem ufe und stahsch uf. Din Chopf isch drum oft en arme, wenn er unsanft ufem Bode ufprallt. Vor allem mit de Spielsache für echli Älteri chasch du dich lang beschäftige. Am liebschte spielsch du aber mit em Fynn. Nur sZueluege, wie er Sache ufbaut isch mängisch nachli schwierig ;-) Wie din grosse Brüeder bisch au du en mega Strahlemaa und mir liebeds, wenn du eus mit dim breite Grinse astrahlsch!

Es isch wahnsinnig wie schnell die Zit vergaht und wie gross dFortschritt i dere churze Ziit sind. Jetzt sitzisch du scho wie en Grosse bi eus am Tisch, winksch eus zue und chlatschisch i dini Händ.

Vo dine Grosseltere, dim Gotti und dim Götti bisch du jetzt quasi offiziell id Familie ufgno worde ;-)
so schön bisch du bi eus! Mir werded immer für dich da sii!

Mir hend s erstmal mit dir dörfe i d'Ferie und du hesch es super gmacht. Nach churzer Ziit het eus scho s'ganze Hotel kennt wüll du immer alli agstrahlt hesch. De Papi isch ganz fescht Stolz uf dich und liebt sini super Familie ganz fescht!!!❤😍

Ab jetzt isch uf dinere Höchi definitiv nüt meh sicher! Du robbsch dich dethi, wo du wetsch. Ganz interessant findsch du natürli am Fynn sini Spielsache :)
dur euse Strahlemaa chöme mer unterwegs mit ganz vielne Lüt in Kontakt und du schenksch allne es Lache.

Dis Vorbild, din Fründ, din grosse Brüeder - wennd ihn gsehsch, fangsch a lache. Egal wie stürmisch er uf dich zuechunnt, du giggelisch und hesch Freud! De Fynn dörf alles mir dir mache!

Scho es halbs Jahr bisch du bi eus! Unglaublich, was mir scho alles mit dir erläbt hend und was du i dere churze Ziit scho glernt hesch! Du wetsch dWelt erkunde und bisch mega neugierig, was um dich ume passiert. Drum isch vor dir nüt meh sicher. Kein Tag isch glich wie de ander, aber jede Tag erfreusch du eus mit dinere Fröhlichkeit!

Zwei Mal pro Wuche dörf de Fynn zu de Grosseltere und du bisch ellei mit em Mami dihei. Das passt dir nöd eso und du vermissisch dAction, aber umso grösser isch dFreud, wenn din Brüeder wieder heichunnt.
A was du au mega Freud hesch, isch, dass du äntli mit eus dörfsch ässe! Du verschlingsch din Gmüesbrei und chasch debi no gigäle :)

Mir hend scho sooo viel mit dir dörfe erläbe! Serscht Mal im Schnee bisch gsi, dini erscht Chrankheit hesch überstande und stecksch eus jede Tag mit dim Lache a! Es isch so schön dini Entwicklig dörfe miterläbe und dra Teil zha. Jetzt muen mer fängs ufpasse, wo mer dich hereleit - so aktiv wie du bisch.

Wie schnell Ziit mit dir doch vergaht und scho bisch du zwei Mönet alt! Du ghörsch scho voll zu eus und mer chönd eus dich nüme wegdenke🥰

Zämä rutsched mer is Jahr 2023, wo sicherlich ganz viel tolli Moment uf dich wartet🥳

Grad vier Mal hesch du mit de Family i allne mögliche Konstellatione Wiehnachte gfiirt! Ganz viel liebi Lüt hesch um dich umegha und bisch beidruckt vode Cherzli und de Liechtli gsi!

Scho über ein Monet bisch du bi eus und erfreusch eus mit dinere Aweseheit jede Tag (sit churzem sogar mit dim Lache🥰)

Nicht ganz die richtige Saison, aber auch eine Geburt ...
Alles Liebe und gutes Gedeihen dem neuen kleinen Erdenbürger! Claudine

Wir gratulieren ganz herzlich den Eltern und dem Bruder zur Geburt von Leif Liam - möge er in Ruhe und friedlich aufwachsen! ❤ Sabine und JeanPaul

So schön bisch du da, Leif.❤️ Mir sind so glücklich und dankbar zwei so herzigi Grosschind zha und gnüsseds öi ufwachse zgseh.🥰 Mir sind immer für öi da.❤️
Grosspapi und Grossmami

Au wenn ich all die Liechtli mehrheitlich verschlafe ha, han ich die wiehnächtlichi Stimmig wahrgno